KONTINUASHON LIGA MCB SEGUNDO DIVISHON!
KONTINUASHON LIGA MCB SEGUNDO DIVISHON!
Direktiva di FFK a risibí un petishon di e ekipo di Liga MCB Segundo Divishon, Deportivo Sta. Rosa, pa supendé e weganan di ‘play off’ relashoná ku e partisipashon di nan kiper prinsipal den e selekshon di U-20 ku ta saliendo pa eksterior dia 4 novèmber próksimo.
Despues di un evaluashon di e format di e ‘play off ‘a tuma desishon pa no laga e ‘play off’ kuminsá, pero hunga solamente un blòk di wega pa despues bolbe par’e pa e dos siguiente blòknan ku lo bai influensia e komienso di e ‘play off’ di 4 klup algu mas despues.
Den kuadro di ‘fair play’ i pa evitá tur otro konhetura ku esaki por trese kuné, a yega na e desishon ku ta mas mihó para e inisio di e ‘play off’ awor aki te ora e selekshon regresá i ku e weganan lo keda hunga konforme e programashon.


