Ku e meta pa aselerá e buskeda pa un partner statégiko pa nos refineria TA BAI “HEADHUNT” DIRIGÍ RIBA POTENSHAL PARTIDONAN KU A MUSTRA INTERES SERIO DEN NOS REFINERIA

 

 

 

Ku e meta pa aselerá e buskeda pa un partner statégiko pa nos refineria

TA BAI “HEADHUNT” DIRIGÍ RIBA POTENSHAL PARTIDONAN KU A MUSTRA INTERES SERIO
DEN NOS REFINERIA

Willemstad 31 di Òktober 2021- Refineria di Kòrsou (RdK), konforme mandato di Gobièrnu, ta aselerá e buskeda pa un partner stratégiko pa manehá i operá nos fasilidatnan petrolero, dor di kuminsá ku un proseso pa headhunt òf riba un manera dirigí aserká potenshal partidonan serio, pa asina por logra pronto operashon di e fasilidatnan. Un komishon ku ta konsistí di dos representante apuntá pa Gobièrnu di Kòrsou i dos representante apuntá pa RdK lo keda enkargá ku e proseso importante i altamente nesesario aki.  Mientras tantu a informá CORC, ku anteriormente ya a risibí e informe ku lo no negoshá eksklusivamente kun’é, ku RdK lo kuminsá ku e proseso di “headhunt” pa potenshal partnernan.  Pues e ekuerdo ku CORC ta for di mesa.

Pronto operashon di e refineria na Emmastad i terminal na Bullenbaai ta altamente nesesario.  

E determinashon ta pa yega mas pronto posibel na partidonan ku ta serio, ku tin e kapasidat, konosementu i rekurso pa por logra esaki.  Abase di e trabounan ya hasí, tin un bista basta kla di partidonan ku lo por kumpli ku e kriterionan aki.  Kontrario na e prosesonan anterior pa yega na potenshal interesadonan, awor lo bai dirigí riba partidonan ku tin e potenshal.  E komishon lo keda instalá próksimamente i lo kuminsá realisá su enkargo konforme mandato di Gobièrnu di Kòrsou.