Dirigí na tur lider di gruponan di Seú.

KOMUNIKADO
Dirigí na tur lider di gruponan di Seú.
WILLEMSTAD- 16 mart 2025. Taskforce Seú 2025 ta informá na lidernan di grupo ku e Taskforce a keda lantá pa Gobièrnu di Kòrsou pa garantisá un Temporada di Seú 2025 organisá i struktura. E Taskforce ta traha huntu ku organisashonnan, gruponan i outoridatnan pa sigurá ku Seú 2025 ta un éksito pa tur partisipante i pa komunidat.
Pa medio di e komunikado akí nos ke informá boso ku lo tin un Rueda di Prensa durante di kua e Taskforce Seú 2025 lo duna informashon importante tokante e organisashon di Seú.
Durante e rueda di prensa, lo kompartí tur detaye relashoná ku e kalendario di evento, e prosedimentu pa partisipashon i e informashon general pa e periodo benidero.
📅 Djamars 18 di mart 2025
📍 Página di Facebook di Ministerio di Enseñansa, Siensia, Kultura i Deporte
______________
Ademas, nos ta invitá boso na un reunion informativo relashoná ku organisashon di Seú 2025:
📅 Djaweps 20 di mart 2025
⏰ 7:00 PM
📍 Lokalidat ta keda anunsiá despues
______________
Taskforce Seú 2025, ku mandato di Gobièrnu di Kòrsou, ta konta ku boso sosten i koperashon pa huntu nos logra un Temporada di Seú eksitoso.
Pa pregunta por manda un app na number di telefòn +5999 5136973.
Den Union nos ta Selebrá Kosecha!
Ban Wap’é!
Task Force Seú 2025
