Un total di 27 piskadó ta risibí nan pèrmit pa piska ku reda

 

Un total di 27 piskadó ta risibí nan pèrmit pa piska ku reda

Geplaatst op 01 November 2021 dor di Ministerio Salubridat Públiko, Medio Ambiente i Naturalesa

Willemstad – Resientemente Minister di Ministerio di Salú, Medio Ambiente i Naturalesa dr. Dorothy Pietersz-Janga a otorgá pèrmit na 27 piskadó. Ta trata aki di pèrmit pa piska ku reda den un zona indiká riba e pèrmit di e piskadó. E piskadónan mester a warda 4 aña pa e momentu aki i tabata sumamentu satisfecho di a risibí nan pèrmit. Durante su diskurso, Minister Pietersz-Janga a mustra ku ta pone òrdu bèk i duna piskadónan di Kòrsou lokual nan tin derecho riba dje.

 

Durante e enkuentro piskadónan a indiká tambe puntonan di atenshon ku mester traha riba dje. Algun di e puntonan aki ta molèster di esnan ku ta kondusí ‘seadoo’ sin tene kuenta ku reda; kachonan ku ta kana liber riba sierto playa i hasi daño na redanan, i personanan ku ta kòrta reda laga piskánan bai. Minister Pietersz- Janga i Sr. Marchena di AVB a hasi anotashon di e puntonan menshoná i lo atendé esakinan.

 

Na final di e parti ofisial, Minister Pietersz- Janga a hasi un apelashon na piskadónan pa respetá otro su zona di piska, mantené nan mes na e reglanan stipulá den nan pèrmit, i mantené un bon relashon di trabou ku AVB pa asina sigui suministrá komunidat di Kòrsou ku piská fresku.

 

Riba kombinashon di potrèt por mira momentu ku señores Tremus i Poulo ta risibí nan pèrmit for di Minister Pietersz- Janga i potrèt di grupo di tur e piskadónan ku tabata presente ku tambe a risibí nan pèrmit.
    

Click here / Klik aki pa wak kuantu aktividat interesante e muchanan ta hasi https://www.facebook.com/Total-Care-Institute-454507071305043

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: