AQUALECTRA I CPOST INTERNATIONAL N.V. TA  SERA AKUERDO DI MAS AÑA PA OPTIMALISÁ  ENTREGA DI RESIBU DI AWA I KORIENTE



 

AQUALECTRA I CPOST INTERNATIONAL N.V. TA  SERA AKUERDO DI MAS AÑA PA OPTIMALISÁ  ENTREGA DI RESIBU DI AWA I KORIENTE

Willemstad 2 di novèmber 2021- Aqualectra i Cpost International N.V.  a firma un akuerdo di mas aña pa garantisá i optimalisá entrega di resibunan di awa i koriente na klientenan di Aqualectra. Te ainda, aunke Aqualectra ta modernisando i ta ofresé e servisio digital pa bo por haña bo resibu via di e-mail, mayoria kliente di Aqualectra ta konta riba un distribushon di resibu di awa i koriente al dia  i na un forma efisiente via di Cpost International N.V.  pa nan por kumpli na tempu ku pago na Aqualectra. E akuerdo entre e dos kompanianan ta un bon ehèmpel di dos kompania di Gobièrnu lokal ku ta buska fórmulanan pa, basa riba e eksigensia modèrno di nos komunidat, optimalisá nan servisio pa sirbi e komunidat tur dia mihó. E akuerdo a keda firmá pa e CEO di Aqualectra, Sr. Darick Jonis, i pa Cpost International N.V. a firma su CEO, Sr. Thomas Roggendorf.  

Darick Jonis, CEO di Aqualectra a bisa “Cpost International N.V., pa nos di Aqualectra, ta un partner esensial den e servisio total ku Aqualectra ta ofresé nos klientenan. Cpost International N.V. a demonstrá, sigur durante di e tempunan di reto tras di lomba, ku e kompania tei i ku nos por konta kuné no opstante retonan grandi. Tempu ta kambia i digitalisashon ta na kaminda pero huntu ámbos kompania ta hasi e kambionan pa fit mas den e patronchi di e kliente di awe i mañan. E akuerdo aki ta konfirmá Aqualectra su konfiansa den Cpost International N.V. komo un partner ku huntu nos por krea un mihó servisio na bienestar di nos klientenan.”

“ Aqualectra ta un kliente importante pa nos. Nos ta sumamente satisfecho ku e manera ku nos a haña otro. Mundo ta kambiando, i ta p’esei nos a desaroyá diferente servisio digital ku ta pone nos den un posishon ku nos por keda un partner esensial di Aqualectra na momento ku ta introdusí e sigiente fase digital” e CEO di Cpost International N.V. Thomas Roggendorf a menshoná.



Click here / Klik aki pa wak kuantu aktividat interesante e muchanan ta hasi https://www.facebook.com/Total-Care-Institute-454507071305043
Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: