PROMÉ MINISTER GILMAR PISAS A BISHITÁ RAAD VAN ADVIES.
PROMÉ MINISTER GILMAR PISAS A BISHITÁ RAAD VAN ADVIES.
Willemstad – Promé Minister Gilmar Pisas a hasi un bishitá di sera konosí ku e organo Raad van Advies.
Durante di e reunion tabatin e oportunidat pa Promé Minister por a interkambiá riba temanan di interes komun ku e direktiva di Raad van Advies, kual tabata inkluí entre otro e tópiko tokante un bon koperashon i relashon di trabou entre e organo i Gobièrnu di Kòrsou. Tabatin diferente otro tópiko ku a keda tratá.
Esnan ku tabata presente di parti Raad van Advies ta:
- sra. mr. L.M. Dindial (Ondervoorzitter)
- dr. J. Sybesma
- mr. W.R. Flocker
- sra. mr. C.C. Taylor
- mr. L.M. Virginia
- sr. M.F. Willem MBA
- sra. mr. C.M. Raphaëla (Secretaris)
Sra. Drs. Ch. Alberto i drs. H.T. van der Woude RC (ambos miembro) nopor tabata presente.
E organo di Raad van Advies ta unu independiente ku ta konsehá Gobièrnu i Parlamento di Kòrsou.
E tarea prinsipal di Raad van Advies ta pa duna konseho riba asuntunan di legislashon i gobernashon.
Gobièrnu ta obligá di skucha konseho di parti Raad van Advies ora ta trata entre otro poyektonan di ordenansa nashonal ku ta deseá pa presentá na Parlamento i proyektonan di dekreto nashonal ku ta kontené medidanan general ku ke proponé pa adoptá.
Igualmente e organo ta asesorá Parlamento di Kòrsou riba proyektonan di ordenansa nashonal promé ku esakinan keda tratá.
Riba e Website por haña mas informashon pa ku e ròl ku Raad van Advies tin: www.raadvanadvies.cw, https://www.raadvanadvies.cw/over-de-rva/rva-in-het-kort
E reunion a kana den un bon esfera.


