Detenshon relashoná ku hinkamentu.

KOMUNIKADO DI PRENSA 364/2021
6 novèmber 2021
Detenshon relashoná ku hinkamentu.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djabièrnè 5 di novèmber 2021, alrededor di 21.59’or, Sentral di Polis a dirigí un unidat di
Otrabanda pa Hoekstraat, pa un kaso di bringamentu i kaminda posiblemente un persona a
keda hinká.
Na yegada di e unidat, el a bin topa ku un hòmber ku herida di hinká na altura di su barika.
E víktima a deklará ku e tabatin diskushon fuerte ku su bisiña i esaki a propin’é un hinká na
altura di su barika.
E agresor mes no tabata na e sitio mas.
Ku ambulans a transportá e víktima pa sala di emergensia di poliklínika pa tratamentu
médiko.
Algun ratu despues, alrededor di 23.55’or, polis a detené e hòmber M.P.F. di 52 aña di edat
nase na Sürnam pa e maltrato ariba menshoná.
Detenshon di e sospechoso a tuma lugá na su kas den Hoekstraat.
A presentá e sospechosonan dilanti un fiskal ouksiliar ku a ordená nan enkarselamentu
pendiente di mas investigashon.