Kaso di tiramentu ku dos herido.
KOMUNIKADO DI PRENSA 366/2021
7 novèmber 2021
Kaso di tiramentu ku dos herido.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djadumingu 7 di novèmber 2021 alrededor di 04.31’or, Sentral di Polis a risibí diferente
yamda di tiramentu na un kas den Kaya Hector P. Curiel.
Mesora Sentral a dirigí un unidat ku urgensia pa e adrès.
Na yegada di e unidat el a bin topa un dama ku herida di bala. Mesora a pidi presensia di
ambulans pa transportá e víktima pa sala di emergensia di C.M.C. pa tratamentu médiko.
For di investigashon na e sitio, polis a bin komprondé ku mas promé, un hòmber ku tambe a
risibí varios herida di bala, ya kaba a keda transportá ku outo dor di miembronan di famia
pa C.M.C.
Tantu reshèrshi tékniko komo esun táktiko ta investigando e kaso pa sa kiko ta kousa di e
tiramentu i ken ta esnan enbolbí.