Morto den tráfiko.

 

 

KOMUNIKADO DI PRENSA 368/2021
8 novèmber 2021
Morto den tráfiko.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djaluna 8 di novèmber 2021 alrededor di 00.00’or di mardugá, Sentral di Polis a risibí
yamada di un aksidente di tráfiko ku a tuma lugá riba A.A. de Lannoy-Willems Blvd, algu
promé ku Ser’i Domi.
E unidat polisial ku a yega na e sitio a topa ku un hòmber drumi kantu di kaminda ku
múltiple leshon na su kurpa i ku ya no tabata duna señal di bida i un outo di boltu riba su
banda drechi.
For di un investigashon ku polis a hasi na e sitio a resultá ku shofùr di e vehíkulo aki ku
tabata kore riba Nijlweg bayendo den direkshon di Ser’i Domi, na altura di e subida di e seru
a pèrdè kontrol i a bai bòltu.
Debi ku e shofùr no tabatin su faha di seguridat bistí, esaki a sak’é i bent’é for di e vehíkulo
segun ku e tabata bòltu. Seguidamente e outo a kai riba e víktima.
Personal di ambulans ku tambe tabata presente no por a hasi nada mas pa e víktima ku a
fayesé na e sitio mes.
Alrededor di 01.30’or dòkter a konstatá morto di e hòmber Angemir Cloudly Every
Martinus, nasé na Kòrsou, 29 di yüni 1990.
Departamentu di Tráfiko ta kontinuá ku e investigashon.

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: