Kaminda komo konekshon den área di Rif

 

Kaminda komo konekshon den área di Rif

 

Willemstad –  Servisio pa Obra Públiko (OW) ta informá ku riba djaluna 8 di novèmber 2021 a kuminsá traha riba e kaminda ku lo konektá e kaya patras di SVB i esun ku ta kore entre Pisina Benny Leito i Courtyard Marriott. 

 

E trabou aki ta bou di enkargo di e kontratista CWM i lo tin un durashon di mas o ménos 4 siman. E sitio di parkeo di SVB ta keda aksesibel. E outomobilistanan ku ta deseá di sigui kore despues di SVB, lo mester hasi uzo di Baden Powellweg i Gouverneur van Slobbeweg pa por yega nan destinashon.

 

Anteriormente, OW a traha riba e kaminda ku ta konektá Rotònde Hamelbergweg ku Megapir Tula, i e kaminda entre Courtyard Marriott i pisina Benny Leito. Awor ku e dos kamindanan aki ta kasi kla, ta toka turno na e kaminda ya menshoná. 

 

OW ta pidi un poko pasenshi i su diskulpa pa kualke inkumbiniensia.