Bo tabata sa ku un ink cartridge HP XL di kolor di Better Deals por print 9 pagina so?
Bo tabata sa ku un ink cartridge HP XL di kolor di Better Deals por print 9 pagina so?
Komo fiel kliente di Better Deals, mi a kumpra ink cartridge HP XL di kolor i pretu, manera mi ta hasi ku regularidat. Mi tabata tin hopi bon eksperensia, te ku e siman aki, ku e inkt a kaba den mi printer i mi a bai kumpra 2 ink cardridge nobo (1 di kolor ku 1 pretu) na Better Deals. Pa mi sorpresa, despues di a print riba 9 pagina A4 un side (banda so), e kolor riba e papel a kuminsa print straño. Mi a wak e nivel di inkt ku e printer ta indiká i mi a tuma nota ku e inkt di kolor a kaba… Un inkt ku tin kustumber di bai mi algun luna a kaba den algun ora!
Despues di a tuma kontakto ku Better Deals, a bisa mi pa bai ku e printer, e resibu i e ink cartridge. Un yufrou a kuminsa yuda mi, siguí pa un meneer J. Despues di a bai den momoria di e printer e meneer a bisa mi ku mi mester trese e 9 pagina nan ku mi a print ku e inkt nobo. Despues di a puntra ku si resultá ku ta 9 pagina ku 2 frase ariba mi trese p’e, el a bisa ku e ora ey mi tin ku trese e computer for di kual mi a print. Despues di a puntra ku si mi hasi tur esaki, si e ta kambia e ink cartridge, el a bisa ku ‘no’. E motibu ta, ku e ink cartridge HP XL por print 1 A4 so tambe i kaba pasobra ta 8 ml tin aden. Ta inkt muhá e ta, no ta laser…
Pues OJO
Na momentu di kumpra ink cartridge na Better Deals, ami lo konsehá bo pa bai ku bo printer i dòbel chèk ku e cartridge ku nan ke bende bo ta yen, promé ku bo paga. Pasobra asina bo paga i bo habri e kahita, nan no ta kambi’e mas pa bo, manera tin indiká riba nan resibu.
E kliente a identifika su mes korektamente serka nos di KIKO TA PASANDO