Preparashon a start pa risibí Ozhaino ‘Ozzie” Albies

 

Preparashon a start pa risibí Ozhaino ‘Ozzie” Albies

Willemstad-, Minister di Enseñansa, Siensia, Kultura i Deporte (ESKD) sr. Sithree
van Heydoorn, a inisiá preparashonnan pa risibí nos Yu di Kòrsou Ozhaino
“Ozzie” Albies, ku huntu ku Atlanta Braves a gana serie Mundial di Major League
Baseball (MLB). Kòrsou kompletu ta orguyoso di nos mes hendenan ku ta saka
kara den eksterior i konforme e maneho di Ministerio di ESKD mester duna mas
publisidat na e logro grandi aki.
Atlanta Braves a gana di Houston Astros ku un score di 7 pa 0 den e di 6 wega di e
Serie Mundial 2 di novèmber último. Nos Ozhaino a forma parti di e viktoria
eksepshonal akí pa Atlanta Braves. Pa e motibu akí, huntu ku Mama i amigunan di
Ozzie, Gobièrnu di Kòrsou ta duna kontenido na un programa pa pueblo di Kòrsou
risibí Ozhaino “Ozzie” Albies na momentu ku e yega Kòrsou for di Merka. Den e
programa pa nos risibí “Ozzie” ta bai tene debidamente kuenta ku tur e medidanan
di prekoushon di Gobièrnu. Pesei Minister ta prepara e aktividat adelanta i a apuntá
Iva Coran komo bosero di e komishon pa tene pueblo informá di e desaroyonan
rondó di e preparashon i tambe di e aktividat ku ta bai tene na momentu ku “Ozzie”
yega Kòrsou.
Nos ta pidi pueblo pa keda pendiente di mas informashon ya asina pueblo ta bon
informá di manera ku nos tur por prepará debídamente pa yegada di Ozhaino
“Ozzie” Albies, nos orguyo ku a pone Kòrsou su nòmber un biaha mas te den tòp.
Kòrsou ta orguyoso di su yu Ozhaino “Ozzie” Albies!

Sr. Sithree van Heydoorn
Minister di Enseñansa, Siensia, Kultura i Deporte

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: