Enkuesta bou di empresa lokal tokante e efektonan di red tape

 

Enkuesta bou di empresa lokal tokante e efektonan di red tape

WILLEMSTAD/PHILIPSBURG –Centrale Bank van Curaçao en Sint Maarten (CBCS) a start un
investigashon di e efektonan ku peso atministrativo, konosí tambe komo red tape, tin riba prestashon
empresarial i kresementu ekonómiko na Kòrsou i Sint Maarten. Komo parti di e investigashon, CBCS,
den kolaborashon ku Kámara di Komèrsio i Industria di Kòrsou, lo tene un enkuesta online bou di
empresa i otro tipo di entidat na Kòrsou.
Djaluna dia 15 di novèmber 2021, mil entidat na Kòrsou, skohí na un manera aselekto, lo risibí un
email di CBCS su departamento di Research, invitando nan pa partisipá na un enkuesta online. E
enkuesta ta na tres idioma. Ta tuma aproksimadamente 10 minüt pa kaba di yen’é. CBCS ta pidi tur e
entidatnan skohí pa por fabor yena e formulario di enkuesta promé ku dia 30 di novèmber 2021. E
enkuesta ta anónimo i tur dato i informashon kolektá lo ser tratá na un manera estriktamente
konfidensial.
Meta di e investigashon ta pa komprondé mihó ki efekto red tape tin riba sektor privá. Spesífikamente,
e investigashon ke midi loke kumplimentu ku prosedimentu i regla atministrativo ta kosta e entidatnan
na tempu i plaka. E preguntanan den e enkuesta lo ta entre otro tokante petishon di pèrmit di negoshi,
konstrukshon i empleo (TWV). Na prinsipio di 2022, CBCS lo tene un enkuesta similar bou di e
empresanan na Sint Maarten. Na 2022, CBCS tin intenshon di publiká un rapòrt riba kuestionnan
relashoná ku kumplimentu ku prosedimentu atministrativo na Kòrsou, den kua lo inkorporá e
resultadonan di e enkuesta akí i tambe algun rekomendashon.
CBCS ke gradisí tur e entidatnan skohí di antemano pa nan partisipashon na e enkuesta.
Willemstad, 14 di novèmber 2021
CENTRALE BANK VAN CURAÇAO EN SINT MAARTEN

 

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: