Calmes: “TPK a entregá un lei mas pa protehá kos di pueblo. Lei di konseshon.”

TPK a entregá un lei mas pa protehá kos di pueblo. Lei di konseshon.

Den e lei di komptabilidat di Kòrsou, Trabou Pa Kòrsou TPK (TPK) a konstatá un buraku mas ku ta habri na e momentunan aki. Ta trata di un buraku kaminda ku ora un minister ke duna konseshon, e no mester bini parlamento. Por ehèmpel si un minister ke duna konseshon den haf òf imaginabu resultá ku ta berdat tin petrolio i/o gas den nos teritorionan. Den kaso di UTS tabata trata di “aandeelnan” di pueblo ku e minister NÒ tabata tin mester di outorisashon di parlamento. Den a kaso di UTS, TPK a pasa un lei den parlamento i sera e buraku ei pa semper. Awor TPK ta konstatá otro buraku i a entregá e proposishon di kambio di lei pa sera e buraku aki tambe.

Tambe TPK a probecha mesora pa den e kambio di lei aki, inkorporá ku ta obligá gobièrnu pa na entrega di prosupuesto, gobièrnu mester: 1. hasi entrega di un lista ku tur konseshon ku gobièrnu a duna, 2. hasi entrega di un lista ku propiedatnan di gobièrnu, 3. Hasi entrega di un lista di tur akuerdo (beheers-i huurovereenkomst) i hasi entrega di un lista di sektor kolektivo.
Bon pa menshoná ku tur esaki tei kaba den e lei di komptabilidat di St. Maarten. Di e forma aki TPK ta sigui sali na interes di e pueblo di Kòrsou i protehá nos propiedatnan di manera ku e órgano di mas haltu di pais kual ta parlamento por funshoná i defende propiedatnan di pueblo.