Trabounan pa drecha lusnan di tráfiko a kuminsá

Trabounan pa drecha lusnan di tráfiko a kuminsá

 

Willemstad – Minister Charles Cooper huntu ku Servisio pa Obra Públiko ta anunsiá ku trabounan a kuminsá pa drecha diferente lus di tráfiko. 

 

Riba djasabra a traha pa pone e lusnan den Saliña na e  krusada Dr. Maalweg i Caracasbaaiweg bèk den funshon. 

 

Riba djadumingu, a logra drecha e problema ku tabatin ku e lusnan di tráfiko na Ser’í Dòmi. Esaki danki na esfuersonan di e téknikonan di e kontratista DCG Services. 

 

Pa djaluna a drecha e lusnan na altura di Winston Churchillweg. 

 

Den e siman aki lo sigui traha riba vários lus mas.

 

Loke ta keda pendiente pa 2022 ta e lusnan na altura di Radio Hoyer i Waaigat. Ya a hasi e petishon pa e kashinan nobo ku ta planiá pa yega na final di yanüari 2022. 

 

Minister Cooper huntu ku OW ta pidi tur hende pa kore ku koutela. Poko poko ta sigui traha pa drecha tur lus di tráfiko.

 

 

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: