PROME MINISTER / MINISTER DI HUSTISIA A PRESENSIA KURSO RIBA KAPASITASHON DEN ARMA DI KANDELA ORGANISÁ PA INTERPOL.

PROME MINISTER / MINISTER DI HUSTISIA A PRESENSIA KURSO RIBA KAPASITASHON DEN ARMA DI KANDELA ORGANISÁ PA INTERPOL.

 

Willemstad – Promé Minister Gilmar Pisas, den su kalidat komo Minister di Hustisia a presensiá e kurso di tres dia riba kapasitashon den “Arma di Kandela” ku Interpol Kòrsou a organisá i kuminsá dia 15 di novèmber 2021 na Acoya Resort.

 

Kòrsou, igual ku otro Paisnan den region, tin e reto pa enfrentá e desafio den kombatimentu di kontrabanda i tráfikashon ilegal di arma di kandela.

Kòrsou no ta un Pais ku ta produsí arma, sin embargo tin hopi arma di kandela ilegal den sirkulashon.

E armanan ilegal aki ta keda usá pa kometé e.o. atrako i otro tipo di delito violento.

 

Un i tur por keda puntra nan mes ta kon por ta posibel ku e armanan ilegal aki ta keda drenta nos Pais.

Den e kuadro aki kompilashon di informashon di inteligensia ta hunga un ròl masha importante i ta krusial den e lucha pa mantené nos Pais liber di e situashonnan aki.

E organisashon internashonal di ICPO-Interpol (The International Criminal Police Organization) ta dunando na tur e Paisnan miembro rònt mundu sosten den e lucha aki.

 

E kurso aki netamente a keda organisá a base di e sosten ku ta keda duná pa ekipá Polis i LEA (Law Enforcement Agents) di e diferente entidatnan nashonal, ku tin e deber di prevení, protehá i investigá e delitonan relashoná ku arma di kandela inlegal.

 

Nos Pais tin di keda limpiá i protehá di armanan di kandela ilegal, pero pa nos por yega na e punto ei, nos tin di traha huntu i alabes ta kapasitá pa asina ta semper prepará, pa nos por ehekutá nos trabou manera debe ser. 

 

Esnan ku a partisipá na e training aki tabata Kuerpo Polisial (KPC), Douane, Kustwacht, Recherche Samenwerkingsteam (RST), Koninklijke Marechaussee huntu ku personal di Interpol Kòrsou.

 

Na komienso di e kurso tabata Promé Minister, den su kalidat di Minister di Hustisia, ku a hiba palabra i alabes hasi apertura di e training.

 

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: