OM i Minister Presidente ta kontradesí otro
OM i Minister Presidente ta kontradesí otro
Trabou Pa Kòrsou TPK a tuma nota ku OM i Minister Presidente Pisas ta kontradesí otro pa lokual ta e reglanan den kuadro di maneho di sero toleransha pa lokual ta ‘QR code’.
Un dia promé ku rueda di prensa di Gobièrnu., Ministerio Públiko ta saka un komunikado den kuadro di maneho di sero toleransha pa lokual ta ‘QR code’, enfatisando entre otro ku for di 19 di òktober 2021, na momentu di organisá i/òf asistí eventonan di riesgo haltu, lo ta obligatorio pa por mustra un ‘QR code’ basá riba un bakunashon òf un ‘PCR tèst’ negativo. Esaki ta kontraditorio na lokual Minister Presidente a menshoná durante e rueda di prensa di
18 di novèmber 2021.
Durante e rueda di prensa aki Minister Presidente a indiká ku personanan ku ‘QR code’ basá riba bakunashon so por asistí na evento nan di riesgo haltu. Esaki sigur por trese hopi konfushon ku n’e.
Ta remarkabel tambe ku dr. Gerstenbluth a indiká ku Kòrsou ta wak riba ‘Rijksinstituut voor Volksgezondheid en Milieu’ (RIVM) na Hulanda pa lokual ta maneho di Covid-19, mientras na Hulanda si nan ta akseptá e ‘PCR tèst’ negativo pa asina personanan ku sea no a òf no ta kompletamente bakuná por asistí na eventonan di riesgo haltu. Lo ta bon pa gobièrnu por duna un aklarashon riba e parti nan aki.
