KOMUNIKADO KUERPO POLISIAL KÒRSOU: Morto den tráfiko: Dayly David Joaquin Balentina ta perde su bida den trafiko

 

KOMUNIKADO DI PRENSA 388/2021
22 novèmber 2021
Morto den tráfiko
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djadumingu 21 di novèmber 2021, alrededor di 20.10’or di anochi, Sentral di Polis a risibí
yamada di un aksidente di tráfiko ku a tuma lugá riba Kaya Ma Pieternella.
E unidat polisial ku a yega na e sitio a topa ku un hòmber drumí riba kaminda ku múltiple
leshon na su kurpa i ku ya no tabata duna señal di bida.
For di un investigashon ku polis a hasi na e sitio a resultá ku shofùr di e motorsaikel aki
tabata kore riba Kaya Ma Pieternella bayendo den direkshon oost.
Di un manera of otro el a pèrdè kontrol i a pasa racha kontrá di un vehíkulo ku tabata kore
riba Kaya Ma Pieternella den direkshon kontrali, pa despues bai dal kontra di un palu di lus.
Personal di ambulans ku tabata presente no por a hasi nada mas pa e víktima ku a fayesé na
e sitio mes.
Na momentu di e aksidente, e motosiklista no tabatin un hèlmu bistí.
Alrededor di 21.35’or dòkter a konstatá morto di e hòmber Dayly David Joaquin Balentina,
nase na Kòrsou, 29 di yüli 1986.
Departamentu di Tráfiko ta kontinuá ku e investigashon.

 

 

 

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: