LABDEMED TA PONE ATENSHON NA HÒMBERNAN BALENTE PA YUDA KONSIENTISÁ I HASI DONASHON NA PRINSES WILHELMINA FONDS
LABDEMED TA PONE ATENSHON NA HÒMBERNAN BALENTE PA YUDA KONSIENTISÁ I HASI DONASHON NA PRINSES WILHELMINA FONDS
Willemstad 22 di Novèmber 2021 – LabdeMed, komo parti di su kontribushon na JCI i Prinses Wilhelmina Fonds, a tene un homenahe na hòmbernan balente den LabdeMed ku ta kresiendo nan barba komo kontribushon na e konsientisashon na tur hende hòmber pa kontrolá prostat pa kanser. Na mes momentu a hasi uso di e oportunidat pa hasi un donashon na Prinses Wilhelmina Fonds komo sosten pa e trabou balioso ku nan ta hasi den nos komunidat pa kombatí kanser en general. Pa LabdeMed, salú di nos pueblo ta esensial. Prevenshon ta parti importante den esaki. LabdeMed ku beneplásito ta partisipando aktivamente den kampaña pa konsientisá nos hende hòmbernan di e importansia pa kontrolá prostat, maske ta un biaha pa aña, ora subi riba edat di 40 aña.
Un lus spesial a keda tirá na e okashon aki tambe riba e sakrifisio ku Sr. Clifford Pinedo a hasi.
E aña aki, despues di a kria su barba pa mas ku 9 aña sin a feita esaki kompletu, a sakrifiká esaki e novèmber 2021 akí, i a partisipá den e reto den e luna pa konsientisashon di nos komunidat. Un palabra di gratitut a bai tambe na koleganan na TeleCuraçao ku a uni ku LabdeMed pa tambe kria nan barba komo muestra di aporte na e esfuerso mayó pa konsientisá nos hende hòmbernan.
Tur e koleganan hende hombre na LabdeMed ku ta kria na barba huntu ku Sra. Ageeth Termars di Prinses Wilhelmina Fonds, Clifford Pinedo i Franlin Hasseth di TeleCuraçao.