APERTURA KAMPIONATO HUBENIL 2021-2022!

APERTURA KAMPIONATO HUBENIL 2021-2022!

 

 

Djasabra, 20 di novèmber 2021, dia internashonal di mucha, FFK ta tin e apertura di Kampionato Hubenil 2021-2022.

Despues ku e Kampionato Hubenil 2020-2021 a terminá poko mas lat di loke Komishon Hubenil a antisipá debí na Covid 19, kampionato nobo a inisiá den gran forma. Durante e inisio kategorianan U-9 te ku U-15 a mira akshon di mainta pa atardi na diferente tereno.

Tur ku ta tei presente e gosa un bòl i mira bon futbòl serka nos hungadónan.

Kampionato Hubenil e aña aki ta konta ku un total di 23 klup i 114 ekipo di kategoria U-9 te ku U-20. Riba djabièrnè i djasabra nos muchanan lo kompetí na diferente tereno rònt Kòrsou for di mainta te den oranan di anochi.

E aña aki manera tur aña Komishon Hubenil lo perkurá pa tin un kampionato eksitoso kaminda tur mucha por dibertí, práktika nan deporte preferí i sigui desaroyá nan abilidatnan futbolístiko.

Komishon Hubenil ta gradisí tur mayor, entrenadó, hungadó, dirigente i tur ku a kontribuí na un kampionato ekstoso aña pasá i ta konta ku bo so sosten pa esun aki ta mes òf mas mihó.

Suerte na tur ekipo ku ta partisipá e aña aki!

 

23 novèmber 2021