PROMÉ MINISTER GILMAR PISAS TA RISIBÍ SU ALTEZA REAL PRINSESA BEATRIX NA AIRPORT I TAMBE BISHITÁ E SIMPOSIO DI DCNA.

PROMÉ MINISTER GILMAR PISAS TA RISIBÍ SU ALTEZA REAL PRINSESA BEATRIX NA AIRPORT I TAMBE BISHITÁ E SIMPOSIO DI DCNA.


Willemstad – Promé Minister Gilmar Pisas ta risibí su Altesa Real Prinsesa Beatrix  hutu ku Gobernador Lucille George-Wout djawebs dia 25 novèmber 2021 na Hato.

 

E bishita di trabou ta dediká na 25 aña di kolaborashon entre organisashonnan di naturalesa. E kolaborashon aki yama ‘Dutch Caribbean Nature Alliance’ (DCNA). Además Prinsesa Beatrix lo duna atenshon na diferente inisiativa sosial durante su estadia na Kòrsou. Tambe e lo interkambiá di idea ku varios persona tokante e impakto di CORONA riba nos isla. 

Por último Prinsesa Beatrix lo bishitá un par di proyekto di arte.

 

Su Altesa Real Prinsesa Beatrix, Promé Minister Gilmar Pisas, Gobernador Lucille George-Wout, Presidente di Parlamento Charetti America-Francisca, Minister di Salubridat, Medio Ambiente i Naturalesa Dorothy Pietersz-Janga i diferente otro dignitario tabata presente na e enkuentro di DCNA djabièrnè dia 26 di novèmber tokante futuro di e kolaborashon. 

Einan a keda presentá vishon di nos hóbennan riba maneho di naturalesa. 

 

Promé Minister tabata anochi tambe na un ‘receptie’ ku Gobernador Lucille George-Wout, kende ta e anfitrion di Prinsesa Beatrix, a tene den kuadro di selebrashon di e aniversario di DCNA. 

Prinsesa Beatrix ta na Kòrsou te ku 28 di novèmber 2021.

 

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: