Dos detenshon relashoná ku QR-Code falsu.

 

KOMUNIKADO DI PRENSA 395 /2021
29 novèmber 2021
Dos detenshon relashoná ku QR-Code falsu.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djadumingu 28 di novèmber 2021, durante di kontrol na un aktividat di riesgo haltu ku
tabatin riba Waaigat, e tim enkargá ku kontrolnan a tuma nota di un bishitante ku tabatin
problema pa su QR-Code wòrdu di skèn.
Na momentu ku a puntra e hòmber aki pa su sédula, e no por a mustra esaki tampoko.
E hòmber sospechoso S.I.B. di 25 aña di edat nase na Kòrsou a keda detené pa polis pa e
echo ku e no por a mustra su sédula na outoridat i falsifikashon di dokumentu.
Djis despues su ruman, e hòmber S.S.B. di 19 aña di edat nase na Kòrsou a presentá na e
sitio mes ku sédula di su ruman.
For di investigashon a sali na kla ku S.S.B. a laga su ruman S.I.B. hasi uso di su QR-Code pa
asina ei trata di burla di e seguridat na porta i duna su mes akseso na e aktividat aki.
Seguidamente a detené S.S.B. tambe na e sitio pa kómplise na falsifikashon di dokumetu.
A presentá ámbos dilanti di un fiskal ouksiliar i despues di interogashon, nan a keda lagá
den libertat pendiente pa wòrdu di dagfar.

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: