CIBC FIRSTCARIBBEAN TA SIGUI KU E BON TRADISHON DI KONTRIBUÍ NA PRINSES WILHELMINA FONDS DEN E LUCHA KONTRA DI KANSER

CIBC FIRSTCARIBBEAN TA SIGUI KU E BON TRADISHON DI KONTRIBUÍ NA PRINSES WILHELMINA FONDS DEN E LUCHA KONTRA DI KANSER

 

Willemstad, 29 di Novèmber 2021 – CIBC FirstCaribbean ta sigui ku e bon tradishon di kontribuí na e lucha kontra di kanser na Kòrsou dor di hasi donashon di loke a keda generá ku Walk for the Cure di e aña aki na Stichting Prinses Wilhelmina Fonds.

 

E esfuerso mayó den region pa generá fondo pa e lucha kontra di kanser, esta CIBC FirstCaribbean su Walk for the Cure, a selebrá su di 10 aniversario e aña aki.  Na Kòrsou nos a duna un toke speshal na Walk for the Cure di e aña aki dor di tene un “Walking Dinner” tumando na konsiderashon nos amor pa bon i dushi kuminda na Kòrsou.

 

E Walking Dinner i otro aktividatnan a generá Nafl. 28.000.  E montante a keda ofresé na Prinses Wilhemina Fonds pa asina nan por sigui ku nan trabou den e lucha kontra di kanser na Kòrsou.

 

“Nos ta kontentu di por kontribuí na e trabou balioso ku Stichting Prinses Wilhelmina Fonds a bin ta sigui hasi, no opstante e tempu difísil ku nos ta konfrontá,” Timba Engelhardt, Country Head di CIBC FirstCaribbean na Kòrsou a bisa.

 

“Nos sa ku Stichting Prinses Wilhelmina Fonds, meskos ku otro instanshanan karitativo, a bin ta lucha komo resultado di e redukshon den donashonnan, pero na mes momentu a keda konfrontá ku un demanda den nan servisio.  Esaki a motivá nos pa e aña aki perkurá ku nos lo tabata eksitoso den organisashon di e aktividatnan pa generá fondo.  Nos ta gradisí nos spònser i partisipantenan ku a kontribuí generosamente na nos Walking Dinner.”

 

Walk for the Cure ta forma parti di e selebrashon di e banko su di 10 aniversario i ta tuma lugá na kada un di e 16 teritorionan den region kaminda e banko ta operá.  E kaminata a generá 

USD 2.9 mion durante di e último nuebe añanan.