Entrega di pèrmit di konstrukshon na Rode Kruis

 

Entrega di pèrmit di konstrukshon na Rode Kruis

 

Willemstad – Minister Tráfiko, Transporte i Planifikashon Urbano, Charles Cooper huntu ku Servisio pa Planifikashon Urbano (ROP) a hasi entrega di e pèrmit di konstrukshon na Krus Kòrá Kòrsou situá na Islaweg  den Suffisant. 

 

Rode Kruis, ta bai konstruí un edifisio moderno, ku ta destiná pa ofisina, un kantina i lokalidat pa hóben. E tereno lo akapará 21 lugá pa parker destiná pa Rode Kruis, huntu ku un entrada i salida. Invershon pa konstrukshon di edifisio di Rode Kruis ta di aproksimadamente 3 mion, ikonstrukshon lo tuma lugá den fase i lo terminá den 1 aña i mei. 

 

Minister Cooper ta sumamente kontentu ku despues di un periodo, Rode Kruis por konstruí su edifisio nobo, ku e invershon i konstrukshon ta yuda sigur pa ekonomia di pais Kòrsou.