AQUALECTRA TA PEGA METERNAN INTELIGENTE DEN ABRAHAMSZ I SAPATE

 

 

AQUALECTRA TA PEGA METERNAN INTELIGENTE DEN ABRAHAMSZ I SAPATE

 

Willemstad 12 desèmber 2021 – Aqualectra lo inisiá e siguiente fase den kuadro di e proyekto di AMI i lo sigui instalá e meternan inteligente den área di Abrahamsz i Sapaté masalmente den siman di 13 di desèmber 2021. Durante e último lunanan Aqualectra a inspekshoná e área rondó di e meternan i hasi trabounan di reparashon ku tabata nesesario pa fasilitá e instalashon di e meternan inteligente. Awor ta ora pa kambia e meternan di awa i koriente masalmente den e área aki. Tur esaki ta den kuadro di proyekto Advanced Metering Infrastructure (AMI) kaminda lo introdusí meternan inteligente rònt Kòrsou. Pa e aña aki, Aqualectra lo instalá e meternan nobo solamente durante e siman di 13 di desèmber un reseso pa dianan di fiesta. Aqualectra lo sigui yanüari ku instalashon di e meternan inteligente den Abrahamsz i Sapaté. 

E trabounan por kousa algu di molèster pa suministro di awa i/ òf koriente na kas di habitantenan. Aqualectra ta pidi diskulpa na klientenan ku por eksperenshá molèster debí na e trabounan di reparashon na instalashon di e adrès spesífiko. Tambe ta urgi tur kliente pa kumplí ku e sita pa kambia e meter kaminda ta nesesario.

 

Aqualectra a krea un proseso di kambio di meter pèrkurá ku e kambio a di meter ta kousa ménos interupshon posibel den suministro di awa i koriente pa e kliente. Pa e motibu aki trabounan pa kambia e meternan lo dura mas o ménos 45 minüt i durante e lapso di tempu aki so e kliente lo por eksperensiá ku no tin awa òf koriente na e parsela kaminda ta kambiando e meter òf den e área kompleto. E trabounan di reparashon ta keda hasí dor di kontratistanan lokal ku ta bon identifiká i ku ta trahando huntu ku Aqualectra riba proyekto AMI. 

 

Aqualectra lo keda komuniká kontinuamente, direktamente i na tempu ku klientenan. Aqualectra lo laga foyeto ku tur informashon i instrukshon nesesario den ‘brievenbus’ di kada kliente. 

Ta rekomendabel pa keda vigilá kontenido di e ‘brievenbus’ na kas ku regularidat pa keda bon informá. Tambe lo duna informashon via medionan general di komunikashon. Aqualectra ta gradisí su klientenan pa koperá pa asina huntu nos krea e ret di utilidat di futuro di Kòrsou.

This site uses Akismet to reduce spam. Learn how your comment data is processed.

%d bloggers like this: