Minister Pietersz-Janga a huramentá dos Botikario
Minister Pietersz-Janga a huramentá dos Botikario
WILLEMSTAD – Resientemente Minister di Salú, Medio Ambiente i Naturalesa dr. Dorothy Pietersz-Janga, a huramentá dos Botikario. Ta trata aki di drs. Brenda Cornelia Maria de Winter i drs. Jikky Lieske Jansen, kual ámbos a huramentá komo Botikario.
Minister Pietersz-Janga ta enkargá ku huramentashon ofisial ku mandato di Gobernador i señora Erseline Ramazan a atendé e parti protokolario. Di e forma akí e dos personanan ku a huramentá a kumpli ku eksigensianan di nos leinan vigente pa nan por ehersé nan profeshon. Despues di e akto ofisial Minister Pietersz-Janga a felisitá señora De Winter i señora Jansen, i a deseá nan tur klase di éksito den nan karera.
Señora De Winter ta na Kòrsou den kuadro di e koperashon entre Curaçao Medical Center (CMC) i Erasmus Rotterdam i ta bai laborá temporalmente na botika di CMC. Señora Jansen ta un botikario nobo ku ta bai laborá na Botika Otrobanda.
Riba pòrtrèt drpd: drs. Brenda de Winter, drs. Jikky Jansen i Minister Pietersz-Janga despues di e akto ofisial.