Alvinette Soliana Miss Curaçao World 2021 ta forma parti di e 97 beyesanan di rònt mundu ku ta kompetiendo pa e di 70 titulo di “Miss World”.

Alvinette Soliana Miss Curaçao World 2021 ta forma parti di e 97 beyesanan di rònt mundu ku ta kompetiendo pa e di 70 titulo di “Miss World”.

Durante di kuater siman dunando nos dushi Isla un kobertura amplio, Alvinette a laga mundu henter sera konosí ku nos kultura i tambe a sa di propagandá nos dushi Kòrsou turístikamente. 

Nos flamante representante na e sertámen di Miss World ta kosechando hopi éksito i ta ganando kurason di hopi na Puerto Rico. Esaki ta pa su abilidat di komuniká i di sera amistat. 

 

Ounke ku e kompetensia ta hopi fuerte, mirando e kandidat grandi di partisipante di diferente pais ront mundu ku ta kompetiendo pa e titulo máksimo, Alvinette ta hopi sigur di su mes i ta dunando tur di su parti pa pone Kòrsou su nòmber resoná engrande. 

 

E final i coronashon di e di 70 sertámen di Miss World ta tuma luga djaweps 16 di Desèmber próksimo i lo keda transmití 7or di anochi bibu pa Univision for di José Miguel Agrelot Coliseum San Juan, Puerto Rico. 

ReProD(Reinilla Project Development) na nòmber di henter pueblo di Kòrsou ta deseá Alvinette Soliana tur klase di éksito na e di 70 sertámen di beyesa mundial “Miss World 2021”