Partido Democraat: Ta awor tera ta fertil i agrikultornan ta man na kabes.

 

Partido Democraat: Ta awor tera ta fertil i agrikultornan ta man na kabes.

Willemstad— Pa algun tempu kaba agrikultornan ta man na kabes pasó e mashinnan di ploeg tera di LVV ta dañá. Agrikultornan ta sufirendo bou di e situashon aki debí ku no por “ploeg” e tera. 

Nèt awor ku nos ta den temporada di awa seru i ku ta awor tera ta fertil pa planta simia. E echo ku e traktonan ta dañá, ta hasié hopi difisil pa agrikultornan, ku mester ploeg nan tereno hasi esaki. Pues sentenares di agrikultor ta pèrde oportunidat pa por planta i kosechá despues. Banda di esaki, nan ta invertí sèn pa kumpra simia i mester sinta warda awor te ora ku mashinenan drecha atrobe. Asina nan ta kore peliger di pèrdé tur nan plaka i un bon kosecha. 

Mas i mas nos ta mirando ku agrikultura lokal ta hopi importante pa e kadena di alimentashon di nos pais. Fruta i berduranan importá a bira karísimo i akinan nos agrikultornan lokal por yuda abastesé e produktonan na un preis mas rasonabel. 

Den un temporada kaminda mester stimulá agrikultura i sostené agrikultornan, ta laga nan na kaya. 

Democraat ta urgi Minister di Salubridat, Medio Ambiente i Naturalesa, sra. Dorothy Pietersz-Janga i Minister di Finansa pa yega na solushon di e situashon aki. 

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: