CBCS a eliminá e restrikshon di kapital

 

CBCS a eliminá e restrikshon di kapital
WILLEMSTAD/PHILIPSBURG – Centrale Bank van Curaçao en Sint Maarten (CBCS) a disidí di
eliminá e restrikshon di kapital aktual, entrante dia 1 di yanüari 2022. E restrikshon di kapital a keda
introdusí dia 20 di mart 2020 despues di e brote di COVID-19 i e krísis mundial ku a surgi
konsekuentemente, pa limitá un posibel salida di kapital.
E restrikshon di kapital tabata enserá ku no tabata otorgá pèrmit di divisa pa hasi transferensia di
kapital pa eksterior pa asina limitá e salida di divisa. Ta rekerí un pèrmit di divisa pa ehekutá
transakshonnan di NAf 150.000 òf mas, pero pa motibu di e restrikshon esaki no por a tuma lugá.
Transakshonnan di ménos ku NAf 150.000, ku no ta rekerí un pèrmit di divisa, si por a kontinuá pa
asina e transakshonnan di kapital ku eksterior por a sigui a base di un eskala limitá.
E restrikshon di kapital, huntu ku e entrada grandi di divisa debí na e sosten di likides di Hulanda na
Kòrsou i Sint Maarten i e importashon redusí debí na e krísis ekonómiko profundo kousá pa e
pandemia, a kontribuí na e mantenshon di un nivel sólido di divisa i di e kobertura di importashon di
e union monetario. “Esaki a hasi posibel ku e tasa di kambio fiho di florin ku dòler estadounidense
tabata garantisá, apesar di e krísis ekonómiko”, segun Dr. José Jardim, direktor finansiero i
ekonómiko di CBCS.
Na aña 2020, e reserva ofisial di divisa a oumentá ku Naf 612 mion pa NAf 2,9 miar i e kobertura di
importashon a oumentá di 6,2 pa 7,1 luna. Na 2021, e nivel di divisa a fortalesé mas ainda ku un
oumento di NAf 338 mion pa NAf 3,2 miar na dia 10 di desèmber di 2021 i un oumento di e
kobertura di importashon te na 7,5 luna.
A base di e nivel sólido di e nivel de reserva ofisial di divisa, e kobertura di importashon i e señalnan
di rekuperashon di e ekonomianan di Kòrsou i Sint Maarten, CBCS a disidí di eliminá gradualmente
e restrikshon di kapital for di 1 di òktober 2021. For di e fecha ei, a bolbe emití pèrmitnan di kambio
di divisa pa transakshonnan di sumanan te ku Naf 300.000 ku ta resultá den un salida di divisa. Fuera
di esei, a introdusí sierto fleksibilisashon spesial pa asina e fondonan di penshun i kompanianan di
seguro por hasi invershon den eksterior, i pa por hasi pago di dividendo i ganashi na persona no
residente.
”Inkluso despues di e fleksibilisashon di e restrikshon di kapital, e nivel di divisa i e kobertura di
importashon a mantené nan mes sólido. E rekuperashon ekonómiko di Kòrsou i Sint Maarten ta
parse di tambe ta gana forsa. A base di e desaroyonan aki, CBCS a disidí di eliminá e restrikshon di
kapital for di 1 di yanüari 2022″, Jardim ta konkluí.

Willemstad, 20 di desèmber 2021
CENTRALE BANK VAN CURACAO EN SINT MAARTEN

Download

PB2021-036 CBCS repeals capital restriction EN

PB2021-036 CBCS repeals capital restriction NL

PB2021-036 CBCS repeals capital restriction PAP

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: