Ana Maria Pauletta: Den e rúbrika aki mi ta kontestá preguntanan ku mi haña ku frekuensha.

Ana Maria Pauletta

Den e rúbrika aki mi ta kontestá preguntanan ku mi haña ku frekuensha. Awel despues di e rueda di prensa, un pregunta mi telefòn a yena kuné.
TA CMC SU FALTA ?
Aparentemene e echo ku CMC no a informá Gobièrnu na tempu, ku nan no tin sufisiente personal a poné ku no a tuma medida mas promé.
Awor ami tin algun punto di atenshon pa ku esaki:
1. No ta mesun Gobièrnu aki a primintí CMC 2 mion pa entre otro buska mas personal;
2. Den rueda di prensa anterior no a bisa ku Tim di Risikp ta den kombersashon konstante ku CMC;
3. CMC durante di último simannan a duna informashon na televishon, korant i radio pa bisa ku mester tuma medida paso nan no tin rekurso di personal i tampoko finansiero;
4. Minister di GMN no a bisa ku el a sinta varios biaha ku GMN i SVB;
5. SOAB a hasi investigashon den CMC;
6. Nos tin 2 aña ku e pandemia aki, ainda tim di Risiko i Minpres. no sa kuantu personal i kama di kuido intensivo CMC tin.
Awor despues di tur e puntonan ei, ainda por bisa ku un kara strèt ku ta falta di CMC?
Banda di CMC, durante rueda di prensa komunidat di Kòrsou a haña falta, RIVM i mundu kompleto. Pero na niun momento e Gobièrnu ta asumí su responsabilidat propio.
E medidanan ku a keda introdusí tin ku sirbi komo un ‘waarschuwing’, i si no kumpli e ora ei, SI, ta bin e medidanan real i ku mester.
Dus mi kontesta na final, riba e pregunta ta; ku Minister di GMN mester sali i splika dikon Minpres. ta bisa ta CMC su falta ku no a tuma medida na tempu.
Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: