PROMÉ MINISTER GILMAR PISAS A RISIBÍ E AMBAHADOR DI REPÚBLIKA DI INDIA.

PROMÉ MINISTER GILMAR PISAS A RISIBÍ E AMBAHADOR DI REPÚBLIKA DI INDIA.

 

Willemstad – Promé Minister Gilmar Pisas a risibí Ambahador di Repúblika di India  sr. Pradeep Kumar Rawat huntu ku sr. Manu Sawilani.

 

E bishita tabata unu di kortesia kaminda sr. Pradeep Kumar Rawat por a sera konosí ku Promé Minister, su konseheronan i representantenan di Direktorado di Relashonnan Eksterior.

Sr. Pradeep Kumar Rawat ya a sera konosí i hiba kombersashon ku nos Minister Plenipotensiario sr. Carls Manuel na Den Haag aña pasá.

 

Durante di e bishita a kombersá tokante algun punto ku por benifisiá nos Pais den futuro.

A trata entre otro e parti di trainingnan di IT, digitalisashon, medisina, Refineria i algun otro punto di importansia ku por nifiká hopi pa nos Pais.

Promé Minister a risibí hopi imformashon balioso riba kada un di e puntonan ku a bini dilanti.

 

Promé Minister a ekspresá su satisfakshon pa ku e laso fuerte ku Kòrsou tin ku desendientenan di India i kon e grupo aki a sa di kontribuí den e ekonomia di Kòrsou ya pa hopi aña. E la ekspresá tambe ku nos tin di mantené e bon relashon ku nos tin ku e desendientenan di India ku ta biba na Kòrsou.

 

E kombersashonnan a kana den un bon esfera.