Un mama di California, Merka, a duna lus na yunan ohochi riba dia, luna i aña diferente.

Un mama di California, Merka, a duna lus na yunan ohochi riba dia, luna i aña diferente. Fatima Madrigal a duna lus na su yu hòmber, Alfredo, pa 11:45 pm riba 31 di desèmber 2021. Despues di 15 minüt, el a duna lus na su yu muhé, Aylin, riba 1 di yanüari 2022 na Natividad Medical Center na Salinas, California.
Riba Twitter, e hospital a duna di konosé ku e chèns pa un kaso asina’ki sosodé ta 1 den 2 miyon. Dr. Ana Abril Arias, kende a yuda ku e parto di e ohochi, a yam’e ‘un di e partonan di mas momorabel’ di su karera.