GRAN FINAL DI KAMPIONATO HUBENIL 22-23 PA KATEGORIA U-9 I U-11! 10 DI YÜNI DEN STADION RIGNAAL ‘JEAN’ FRANCISCA!
GRAN FINAL DI KAMPIONATO HUBENIL 22-23 PA KATEGORIA U-9 I U-11!
10 DI YÜNI DEN STADION RIGNAAL ‘JEAN’ FRANCISCA!
Kampionato Hubenil 22-23 ta yegando na su parti final ora ku djasabra binidero, 10 di yüni 2023, e partidonan final di kategoria U-9 i U-11 tuma lugá den oranan di mainta i tambe parti atardi den Stadion Rignaal ‘Jean’ Francisca.
Kampionato Hubenil a inisiá na sèptèmber 2022 ku un total di 22 ekipo den kategoria U-9 i 27 den U-11 ku tur wikènt tabata hunga na diferente tereno for di Banda ‘Riba te Banda ‘Bou.
Manera tabata e kaso durante e último añanan, e kategorianan ta keda repartí den 3 liga p’asina duna kada ekipo chèns di hunga i desaroyá den e nivel ku nan ta pertenesé.
Riba djasabra Kategora U-9 liga 1, 2 i 3 lo mira akshon parti mainta miéntras kategoria U-11 liga 1 i 2 su partidonan lo tuma lugá parti atardi. Liga 3 di e kategoria aki huntu ku e sobrá kategorianan di Kampionato Hubenil ta hungado nan partidonan di ‘playoff’ pa tiki tiki pero sigur kana yega na e gran finalnan ku lo tuma lugá riba dia 17 i 24 di yüni 2023.
E siguiente ekiponan a klasifiká pa e partidonan final di U-9 ku U-11;
U-9 Liga 1: Inter Willemstad i C-Stars United
U-9 Liga 2: Atletiko Saliña i Inter Willemstad B
U-9 Liga 3: Vesta i Fc Sithoc
U-11 Liga 1: Centro Juve i C-Stars United
U-11 Liga 2: Subt i Centro Juve B
Skema Finalnan;
| 10 yüni 2023 | ||||||
| Stadion | Kategoria | Tim 1 | vs | Tim 2 | U-9 | U-11 |
| RJF | Final Liga 2 (U9) | Atletiko Saliña | vs | Inter Willemstad B | 9:00 | – |
| RJF | Final Liga 3 (U9) | VESTA | vs | F.C. Sithoc | 9:00 | – |
| RJF | Final Liga 1 (U9) | Inter Willemstad | vs | C-Stars United | 10:30 | – |
| RJF | Final Liga 1 (U11) | Centro Juve | vs | C-Stars United | – | 18:00 |
| RJF | Final Liga 2 (U11) | SUBT | vs | Centro Juve B | – | 18:00 |
Komishon Hubenil ta felistiá tur e ekiponan ku lo mira akshon djasabra aki i ta deseá nan éksito ku e partidonan final pa kategoria U-9 i U-11 di Kampionato Hubenil!
Kòrsou kompletu ta keda invitá pa asistí na e tremendo partidonan final di wikènt aki…kòrda ku tur e partidonan aki ta grátis!
9 yüni 2023
