Djabièrnè 29 di mart próksimo Nochi di sine grátis na Sentro di Bario Souax

Djabièrnè 29 di mart próksimo Nochi di sine grátis na Sentro di Bario Souax                                                                                                                                              

Fundashon Pro Souax i Sentro di Bario Souax ta anunsiá na habitantenan di Souax, Gato i bisindario ku djabièrnè awor 29 di mart, lo tin e siguiente nochi di sine grátis. E nochi di sine lo ta di 19.00 pa 21.00 i e pelíkula di e luna aki ta:             
   
                            “FIREPROOF”

– Un pelíkula kristian ku ta relatá un relashon matrimonial problemátiko i e esfuersonan pa keda kasá, biba un bida honesto i laga bo fe den un poder supremo guia bo. –

Na trabou Caleb ta e bombero ehemplar ku ta apliká e regla: nunka laga un kompañero atras. Na kas e ta biba segun su propio reglanan. Su relashon matrimonial ta malu i e pareha ta disidí na divorsiá. Caleb su tata ta ret’é pa durante 40 dia e demostrá na su kasá, e mesun amor ku e Ser Supremo a demostrá na nos. Caleb ta kompromet’é pa demostrá su amor pa e Ser Supremo i ta laga su fe yud’é salba su matrimonio.
Un pelíkula kristian ku ta relatá un relashon matrimonial problemátiko i e esfuersonan pa keda kasá, biba un bida honesto i laga bo fe den un poder supremo guia bo.

Fundashon Pro Souax i Sentro di Bario Souax ta invitá habitantenan di Souax, Zegu, Gato i  bisindario i demas interesadonan pa: forma nan grupo, bin ku un stul òf banki, bin distraí un ratu   i wak pelíkula grátis na Sentro di Bario Souax.