Denunsiá kaso di violensia relashonal.

 

KOMUNIKADO DI PRENSA 005 /2022
8 yanüari 2022
Denunsiá kaso di violensia relashonal.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Polis ta tumando nota ku diferente kaso di violensia relashonal ta wòrdu di mèldu na polis
dor di personanan ku ta tuma nota di e violensia pero no dor di e víktima mes.
Sa sosodé ku asta ora ku polis bai duna asistensia na e pareha òf famia riba indikashon di
tersera ku a mèldu, e víktima ta ninga ku el a keda agredí.
Ta remarkabel ku varios víktima ku hasi denunsia, ta hasi esaki te na momentu ku e kaso
yega na su ekstremo.
E motibunan pa esaki por ta varios. Algun di nan ta pasobra e víktima ta dependiente di e
agresor òf e víktima ku mayoría bia ta indefenso, ta bou di menasa.
Tin varios kaso ku na momentu ku e víktima hasi denunsia pa promé bia, e ora ei numa e ta
indiká ku pa basta ratu e ta bin ta sufri na man di su agresor.
Ta remarkabel tambe ku hopi di e maltratonan aki, último tempu no ta un maltrato simpel,
pero den varios kaso e sospechoso ta hasi uso di ophetonan manera entre otro palu, heru i
armanan skèrpi pa lastimá su víktima.
Kuerpo Polisial ke alertá un bia mas ku maltrato i violensia den tur sentido ta kontra di lei i
ku tin kastigu di prison mará na esaki.
Ademas ke motivá tur víktima di violensia relashonal pa hasi denunsia na polis. Polis ta
aktua i lo enbolbí su otro partnernan den e proseso pa evitá situashonnan lamentabel.

Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: