Parlamentario: Ana Maria Pauletta Reino Hulandes tin un Gobièrnu nobo….

Parlamentario: Ana Maria Pauletta

Reino Hulandes tin un Gobièrnu nobo….
Awe Gobièrnu Hulandes a huramenta. Naturalemente mi ta deseá e Gobièrnu aki tur klase di eksito, pa e trabounan ku nan lo hasi pa Hulanda.
Pero e Gabinete aki ta keda konsiderá, huntu ku e ministernan plenipotensiario komo e Gobièrnu pa Reino Hulandes. Pa esaki lo mi vigilá di aserka i ku woow di falki e trabounan ku kada un di e ministernan aki lo hasi pa loke ta trata maneho den Reino. Paso nan ta traha pa mi pais Kòrsou tambe. Desishonnan ku nan tuma lo tin efekto direkto riba mi pais.
Minister di Asuntunan General, Minister di Asuntunan Eksterno, Minister di Asuntunan Interno i Reino, Minister di Finansa, Minister di Salubridat, Ministernan di enseñansa tur ta ministernan ku komo Pais nos lo tin hopi kontakto kuné. Pesei mi ta spera ku nos por tin un bon relashon di trabou ku kada unu di nan.
E sekretario di estado nobo sra. Van Huffelen tambe Kòrsou lo tin un relashon bastante estrecho kuné. Ku e sekretario di estado enkargá ku Reino i tambe digitalisashon nos lo sigui e trayekto di COHO, akuerdonan pa ku agènda di ehekushon, lei di areglon di disputa, petishon pa finansiamentu i diferente otro dossiers. Pa e sekretario di estado sra. Van Huffelen, mi ta spera ku promé ku e kuminsá tuma desishon e tuma e tempu pa konosé e dossier i siña konosé e konteksto real di nos pais. Ku su mente ta habri pa e apsorbe no solamente loke tin riba papel, pero tambe loke ta biba den e relashon históriko. Mi ta deseé i nos Gobièrnu hopi forsa den e relashon di trabou nobo aki.
Tin hopi trabou pa realisá pa garantisá stabilidat den Reino. Mi a tuma nota di e akuerdo di Gobernashon i ta puntonan ku mi lo husga e Gabinete aki riba dje e.o.:
– poder di voto pa representantenan di parlamentonan karibense di Reino den Tweede Kamer;
– promové invershonnan ekonómiko;
– oportunidat di voto pa parlemanto europeo igual den reino.
Mi ta gradisí tur minister i sekretario saliente pa nan trabou i deseánan lo mehor den nan futuru karera. Algun di nan nos lo mira bèk komo kolega parlamentario di Tweede Kamer. No ta tur ora Kòrsou por a akordá ku desishonnan ku a keda tuma, esaki ta algu ku por sosode den relashonnan di trabou.
Pero e bienstar di Kòrsou i su habitantenan semper mester keda e prioridat. Tantu na Kòrsou, komo na Den Haag.
Share this page to Telegram

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: