BOTO KU DOS HÒMBER ABORDO PÈRDÍ RIBA LAMAN
BOTO KU DOS HÒMBER ABORDO PÈRDÍ RIBA LAMAN
Kralendijk – Ayera (17 di yanüari 2022) den oranan lat di anochi a drenta notifikashon di un boto pèrdí riba laman. Riba e boto aki tin 2 hòmber ku a bai piska djadumingu alrededor di 3or di atardi pero ainda no a regresá.
Segun informashon ta trata di un hòmber bou di nòmber JARVIS MELAAN i unu bou di e nòmber di kariño MEMO.
KPCN ta hasi yamada na un i tur ku por a tende algu di e hòmbernan aki òf a mira e boto aki pa tuma kontakto ku polis via 911 òf 715-8000.
Alabes ta hasi petishon na famia di MEMO pa akudí na warda di polis pa asina nos por tin kontakto ku famia i sa datosnan ofisial di MEMO.
Kuerpo polisial i wardakosta a inisiá un buskedá i e investigashon ta andando.
Datos di e boto ta: My Own Bussiness B524
FUENTE: KPCN
