Partido MAN MESTER INTENSIVA KAMPAÑA DI BAKUNASHON I BOOSTER

For di dia Gabinete Pisas a sinta pueblo di Kòrsou a sinti un falta di kampañanan pa ku bakunashon.

Prome ku aña eskolar 2021/2022 hóbennan entre 12 pa 18 aña por a bakuná.

Lamentablemente te awe nos no a mira un kampaña intensivo pa enkurashá pueblo i pero tambe nos hòbennan bai bakuna. Mientras ku booster tambe ta disponibel pa nos pueblo i hopi a kuminsa tuma esaki. Di parti di Gobièrnu no tabata tin un kampaña pa enkurashá i informá tokante di booster. Bakunashon a demostrá di ta yuda pa un persona kontagia no drenta hòspital ku tur e konsekuensia ku esaki por trese kun’e.

Awe nos ta mira ku e kantidat di hende kontagia tin influensia riba funshonamentu di nos komunidat. Ekonomia ta sinti esaki mirando ku no tin hende sufisiente pa traha dor ku tin ta den isolashon òf den karentena.

Banda ku Gobièrnu ta introdusí medidanan mester motiva komunidat pa bakuna i pone enfasis riba e maneho di bakunashon ku Gobièrnu ta hiba.

Konforme reglamento di orden nos frakshon a hasi e siguiente preguntanan na minister presidente:

1. Ki dia ta kuminsa ku e kampaña pa informa riba bakunashon bou di nos hòbennan?

2. Ki dia ta kuminsa ku kampaña di informashon i enkurasha pueblo pa bai sigui bakuna i booster?