Parlamento di Kòrsou ta fortalesé konosementu riba supervishon finansiero.

Awe, djabièrnè 17 di aprel 2026, Parlamento di Kòrsou a organisá un seshon di informashon den koperashon ku e Sekretariado di Kolegio di Supervishon Finansiero (CFT).

Durante e seshon, sra. Elizabeth de Cuba, Miembro di CFT pa Kòrsou, a duna un presentashon detayá tokante e base legal di supervishon finansiero i e manera práktiko kon CFT ta ehersé su trabounan.

E tabata un seshon interaktivo kaminda Parlamentarionan, kolaboradornan di frakshon i empleadonan di Grefi a haña e oportunidat pa hasi pregunta i risibí klarifikashonnan nesesario tokante e trabounan di supervishon finansiero.