Análisis di krímennan di impakto haltu.

KOMUNIKADO DI PRENSA 029 /2022
18 yanüari 2022
Análisis di krímennan di impakto haltu.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Kuerpo Polisial ta analisando e área, sítio i orarionan ku algun di e krímennan di impakto
haltu ta tuma lugá i ke kompartí nan ku komunidat, ya asina tur siudadano por ta alèrta i
asina duna nos un man den kombatimentu di e krímennan aki.
Periódikamente nos lo keda suministrá e informashonnan aki na komunidat.
E análisis aki ta hasí durante di e periodo di 10 pa 16 di yanüari 2022.
Den e periodo aki tabatin 5 kaso di atrako di kua dos (2) a tuma lugá riba djaluna i tres (3)
repartí riba e sobra dianan di siman te ku djasabra.
Mayoria di e kasonan di atrako aki a tuma lugá durante di e orario di 1’or pa 2’or, na Tera
Korá, Seru Mahuma, Pietermaai, Marie Pampun i Groot Kwartier.
Dos (2) di nan tabata atrako riba kaya i dos (2) tabata den habitashon.
Pa loke ta kiebronan den kas, esakinan a konsentrá den kuminsamentu di siman i entre e
orario di 09.00’or pa 16.00’or den e barionan Koraal Partier, Julianadorp, Flip i Barika.
A registrá 5 kiebro den negoshi i/o skol i tur a tuma lugá den oranan di mardugá. E áreanan
tabata Barber, Industriepark Brievengat, i un skol na Brievengat.
Den e periodo ariba menshoná tabatin tres (3) kiebro den outo riba respektivamente
djabièrnè, djarason i djadumingu.
E kiebronan aki a tuma lugá na Weto, Groot Piscadera i Baya Beach.