Entrante 24 di yanüari servisio di THZ ta reanudá servisio di kurmentu

 

Entrante 24 di yanüari servisio di THZ ta reanudá servisio di kurmentu

Willemstad – Departamentu di Higiena di Ministerio di GMN ta informá ku entrante 24 di yanüari 2022 ta kuminsá ku aktividatnan di kùrmentu pa tur persona ku ta atendé ku alimento, e asina yamá foodhandlersnan. 

Por pasa kùr sin sita riba djaluna, djamars, djárason i djaweps. E orarionan ta di 8’or pa 11’or di mainta i di 2’or pa 3:30 di atardi.

Mester paga Fl. 50 i presentá ku bo karchi kaduká i identifikashon bálido. Esnan ku ta bin pa promé biaha mester bin ku un pasfoto resien i identifikashon bálido.

E buki titulá “Buki di Higiena” ta riba e wèpsait di Gobièrnu di Kòrsou pero tambe riba FB di GMN: Ministry of Health Curacao. E buki ta na diferente idioma: Hulandes, Papiamento, Ingles, Spañó i Chines. Por uza esaki dor di lesé i prepará bo mes pa un èksamen chikí.     

 

Kòrda tene kuenta ku reglanan di higiena den kuadro di Covid-19.  

  •   Mester tin tapaboka,
  •   Semper mantené distansha di 2 meter for di otro,
  •   Evitá kontakto físiko,
  •   Hasi uzo di desinfektante ku tin na diferente sitio na THZ.
Share this page to Telegram

This site uses Akismet to reduce spam. Learn how your comment data is processed.

%d bloggers like this: