Hòmber detené pa atrako.
KOMUNIKADO DI PRENSA 034 /2022
21 yanüari 2022
Hòmber detené pa atrako.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Relashoná ku un kaso di atrako ku a tuma lugá dia 5 di yanüari 2022, na un Mini Market
den área di Mundu Nobo, polis a detené un sospechoso.
Dia 21 di yanüari 2022, riba òrdu di fiskal di Ministerio Públiko, tim di Aresto
konhuntamente ku tim di Atrako a detené e hòmber sospechoso J.K.G.C., di 25 aña di edat
nase na Kòrsou.
E detenshon a tuma lugá alrededor di 05.15’or di mainta den Kaya Halo.
Despues di e detenshon a tene un entrada hudisial na e adrès ariba menshoná.
Durante di e entrada hudisial a haña i konfiská artíkulonan ku ta di importansia pa e
investigashon.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.