Kurpa sin bida enkontrá den awa na Piscadera.

KOMUNIKADO DI PRENSA 037 /2022
22 yanüari 2022
Kurpa sin bida enkontrá den awa na Piscadera.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djasabra 22 di yanüari 2022 alrededor di 09.43’or, Sentral di Polis a risibí informashon ku
testigunan a mira un kurpa sin bida pegá den e palunan di mangrove na altura di e playa di
piskadó na Piscadera.
Mesora a dirigí un unidat di Otrobanda na e sitio.
Na su yegada el a bin topa un kurpa di un hende hòmber den awa mei mei di e palunan di
mangrove.
E kurpa aki ya tabata bastante di blas i por a tuma nota ku ya el a pèrde parti di kueru.
E persona aki tabatin un karson di djins bistí i un faha pretu, mientras e tabata lomba sunú.
Ku yudansa di personal di Wardakosta a logra saka e kurpa sin bida for di awa, di manera ku
por a kuminsá ku e investigashonnan nesesario.
Dòkter di polis ku a presentá na e sitio a konstatá morto.
Te na e momentunan aki, no a identifiká e kurpa aki.
Investigashon den e kaso aki ta kontinuá.