Pago di mas konstatá na Direktiva di Skolnan
Minister di OWCS
Señor Sithree van Heydoorn
PRESENTE
Kòrsou, 23 di yanüari 2022
Tópiko: Pago di mas konstatá na Direktiva di Skolnan
Apresiabel señor Minister,
Frakshon di MFK a tuma nota ku for di aña 2010 no a hasi kuenta ku e diferente
Direktiva di Skolnan, relashoná ku sèn ku nan ta risibí tur aña pa por manehá
skolnan.
For di informashon ku suskrito ta disponé di dje ta parse ku e suma aki ta entre
13 pa 15 mion florin, durante di e último 10 añanan ku a transkurí. Esaki ta mas
o ménos 1.5 mion pa aña. Esaki sigur ta algu di preokupashon mirando e
situashon finansiero di Kòrsou i mester hasi lo máksimo pa esaki no sosodé mas
den futuro.
Pa e motibunan ariba menshoná i hasiendo uso di artíkulo 96 di Reglamentu di
órden di Parlamento di Kòrsou, nos kier a hasi Minister di OWCS, Sithree van
Heydoorn e siguiente preguntanan;
1. Dikon ta awor numa, Ministerio di OWCS ta hasi kuenta di e periodo di 2010 –
2020 ku e diferente direktiva di skolnan ta risibí pa enseñansa?
2. Kiko ta e motibu ku a paga alrededor di 13 pa 15 mion florin di mas na
Direktiva di Skolnan?
3. Direktiva di Skolnan ta entrega kuentanan anual na tempu na Ministerio di
OWCS?
4. Kua ta e ròl ku SOAB a hunga den trahamentu di e kuentanan relashoná ku e
sumanan ku Direktiva di Skolnan ta risibí?
5. Kiko Minister ta bai hasi pa den futuro evitá ku di parti di Direktiva di Skolnan,
pero tambe di parti di gobiernu no ta bai tin diskrepansia den e aspekto aki?
Parliament of Curaçao Parlamento de Curazao Staten van Curaçao
Suskrito ta keda pendiente di Minister su kontesta, teniendo kuenta ku e periodo
akordá entre Parlamento i Gobièrnu.
Atentamente
David Seferina
Parlamentario pa
frakshon di MFK

