Partido Alternativa Real a hasi entrega di relato i sifranan anual di 2018 i 2019 na Konseho Supremo Elektoral
Partido Alternativa Real a hasi entrega di relato i sifranan anual di 2018 i 2019 na Konseho Supremo Elektoral
Willemstad – Awe djarason 30 di desèmber mèrdia, direktiva di Partido Alternativa Real (PAR), teniendo kuenta ku e medidanan di Covid-19, ku ta rekerí ku tres persona so por tabata presente. Den e kaso aki presidente Gerold Rach, tesorero Emmilou Capriles i sekretario Malvina Cecilia, a hasi entrega di e relato i sifranan anual na Konseho Supremo Elektoral (KSE).
PAR, ya pa 27 aña komo un partido polítiko responsabel, a sòru pa, konforme regla i prosedura, entregá su relatonan di aña korespondiente na KSE. Di e forma aki PAR a i ta sigui kumpli ku e lei di finansiamentu di partido polítiko.
Konforme e reglanan doméstiko i statutonan di PAR, pa medio di konvokashon di un reunion general, ta sòru informá nos miembronan di e resultado. Konforme prosedura, e sifranan méster wòrdu kontrolá dor di e órganonan interno. Den e reunion general di miembresia dia 5 di novèmber último, nos miembronan a aprobá esakinan.
Ku e aprobashon optené direktiva a haña e pèrmit i bendishon di nos miembronan pa por hasi e entrega di e relato i sifranan anual di 2018 i 2019 a wòrdu entregá na representantenan di KSE.
Direktiva di PAR ta yama danki na tur nos miembronan pa nan aporte i sosten, ku huntu nos por a ehekutá e proseso aki, i ta sigui konta ku e konfiansa di nos miembronan den 2021.
Malvina Cecilia
Sekretario
Partido Alternativa Real
