Detenshon pa intento di asesinato.

KOMUNIKADO DI PRENSA 049 /2022
27 yanüari 2022
Detenshon pa intento di asesinato.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djaweps 27 di yanüari 2022 alrededor di 15.30’or riba Jan Noorduynweg, polis durante un
kontrol di tráfiko a duna shofúr di un vehíkulo òrdu pa para e vehíkulo.
E shofúr no a duna oido na òrdu di polis i a sigui kore, dal e agente polisial ku outo i kore bai
for di e sitio.
Mesora un unidat polisial a kuminsá ku un persiguishon i huntu ku mas unidat ku a bin duna
asistensia den búskeda di e vehíkulo, a lokalisa esaki na altura di un restorant riba Weg naar
Westpunt.
Alrededor di 16.00’or polis a detené na e sitio e hòmber sospechoso G.M.R.L. nasé na
Kòrsou di 37 aña di edat, relashoná ku intento di asesinato.
E agente polisial a keda transportá ku ambulans pa sala di emergensia di C.M.C. pa
tratamentu médiko.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.