KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Èks-direktor sentensiá pa paga Girobank daño i perhuisio

 

Èks-direktor sentensiá pa paga Girobank daño i perhuisio

Willemstad/Philipsburg – Dia 25 di yanüari último, Korte Komun di Hustisia a dikta den apelashon
ku un èks-direktor di Girobank ta responsabel na e banko debí na kulpabilidat grave riba base personal.
A sentensiá e èks-direktor pa paga Girobank daño i perhuisio na balor di mas ku 7 mion dòler. E
sentensia akí na fabor di Girobank ta resultado di un kaso di vários aña den Korte. A entamá e kaso
na yüli di 2015, ya ku un investigashon, inisiá despues ku e medida di emergensia a drenta na vigor, a
saka na kla ku tabatin indikashon di froude. CBCS ta masha satisfecho ku e desishon akí di hues ya ku
awor na Girobank tambe, a tene un èks-direktor responsabel pa e daño ku el a okashoná mediante su
aktuashon ilísito.

Willemstad, 27 di yanüari 2022
CENTRALE BANK VAN CURAÇAO EN SINT MAARTEN

 

639114718427035"
639114718427035"