PROMÉ MINISTER GILMAR PISAS A KEDA INVITÁ NA SELEBRASHON DI 65 ANIVERSARIO DI UNION DEPORTIVO TERA KÒRÁ

 

PROMÉ MINISTER GILMAR PISAS A KEDA INVITÁ NA SELEBRASHON DI 65 ANIVERSARIO DI UNION DEPORTIVO TERA KÒRÁ

 

Willemstad – Promé Minister Gilmar Pisas a keda invitá na selebrashon di 65 aniversario di Union Deportivo Tera Kòrá dia 6 di febrüari 2022.

Minister di Enseñansa, Siensia, Kultura i Deporte Sithree van Heydoorn tambe tabata presente.

 

Durante di e seremonia na Misa di Tera Kòrá tabatin boutismo di e uniform di e organisashon, kual a keda bendishoná pa Pastor Julio den presensia di miembronan di e direktiva diario srs. Boy Koeijers, Gert Koelewijn i Wilfred Isabella, 4 hungadó uniformá i sra. Nadine Libier, kende tabata representá New Capital, ku ta e spònsòr di e uniformnan.


Despues di e boutismo e organisashon di Union Deportivo Tera Kòrá a duna un rekuerdo na e representante di New Capital, sra. Nadine Libier.


E programa a sigui ku e spichnan di Promé Minister Pisas, Minister van Heydoorn i e presidente di Union Deportivo Tera Kòrá sr. Boy Koeijers.

Promé Minister a felisitá e organisashon di Union Deporivo Tera Kòrá, ela elogiá nan pa e bon trabou ku nan a bini ta hasi ku e organisashon, e la gradisí e spònsòr pa e sosten ku e ta duna e organisashon i pidi e miembronan di direktiva diario pa sigui hasi e bon trabou ku nan a bini ta hasi pa e organisashon i nos hóbennan en partikular.

Na final di e programa ofisial e representantenan di Union Deportivo Tera Kòrá a gradisí tur e oradonan i invitá tur hende pa tuma un brindis parti pafó riba plenchi di Misa di Tera Korá.

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: