Detenshon pa violashon di lei di arma di kandela.

 

KOMUNIKADO DI PRENSA 108/ 2022
27 febrüari 2022
Detenshon pa violashon di lei di arma di kandela.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Den oranan di anochi di djasabra 26 di febrüari 2022, unidatnan di polis enkargá ku
tareanan spesial (U.S.T.), durante di un kontrol na altura di un snèk na Berg Altena, a tuma
nota ku un hòmber a sali na kareda na yegada di polis.
Mesora polisnan a kuminsá ku un persekushon i a nota ku durante di su huída el a benta un
arma di kandela afo, ku e tabatin den un tas.
Mesora polis a detené e hòmber sospechoso aki, A.A.G. di 30 aña di edat nase na Kòrsou
pa violashon di lei di arma di kandela.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.

This site uses Akismet to reduce spam. Learn how your comment data is processed.

%d bloggers like this: