Detenshon pa violashon di lei di arma di kandela i lei di opio.
KOMUNIKADO DI PRENSA 107/ 2022
27 febrüari 2022
Detenshon pa violashon di lei di arma di kandela i lei di opio.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djasabra 26 di febrüari alrededor di 03.32’or Sentral di Polis a risibí informashon di algun
hòmber ku tabata den serkania di un sitio den Suffisant na unda tabatin un fiesta i a lòs
algun tiru den laira.
Un unidat polisial a bai na e sitio i riba Kaya Georgetown, a topa un vehíkulo di kua e
okupantenan tabata aktua bastante sospechoso.
Mesora e unidat a bai kontrolá e vehíkulo aki i a bin topa un arma di kandela.
A detené alrededor di 03,55’or tur e tres okupantenan di e vehíkulo, e hòmbernan
sospechoso A.B.Z. di 39 aña di edat, M.G.F.C.R. di 40 aña di edat i R.P.A.Z.M. di 31 aña di
edat, tur nase na Kòrsou.
A presentá e trio dilanti di un fiskal ouksiliar ku a ordená nan enkarselamentu pendiente di
mas investigashon.
Kontinuando ku e investigashon den e kaso aki, polis a tene un entrada hudisial na tres
diferente adrès. Durante di un di e entradanan hudisial aki a bin enkontrá algun bolita na un
kas den Mexicoweg i a hasi detenshon di e hòmber sospechoso A.Z. di 69 aña di edat nase
na Kòrsou.
E sospechoso aki tambe a keda enkarselá despues di e keda presentá dilanti di un fiskal
ouksiliar.